lunes, 31 de enero de 2011

Un poema de amor (III)

VENRES-23, mañá


Levo catro días sen saír.
Non chama.
Non teño o poema.
Nin pilas para o mando
do televisor.
Teño que erguerme a cada intre.
Dóeme a cabeza.
Aínda hai cervexa no
frigorífico. E olivas. E tabaco.
E máis unha desorde xeral
da festa que fixen onte
á noite.
Sen Ela.

Kiko Neves

domingo, 30 de enero de 2011

Un poema de amor (II)

MARTES-20

Aínda non volveu.
Pasaron dous días.
Onte coñecín a unha tal Carla.
Agora está durmindo
no meu lado da cama.
É cedo.
Erguinme para volver
ao poema.
A mesa, o folio en branco,
a parede, o lapis,
as unllas,
e todo iso.
Bos días, que fas.
Espertou.
Non respondín.
Bocexa, tuse,
achégase a min
e mira
unha foto.
Quen é esta.
Calo.
O silencio moléstalle.
Que pasa, mira para min,
non dis
nada.
Si, tes que marchar.
Moi ben.
E chamoume algo.


Kiko Neves

martes, 25 de enero de 2011

Un poema de amor(I)

DOMINGO-18


Vou escribir un poema de amor.
Dígolle.
Sentado á mesa. Un folio
en branco. E ela.
Tras de min.
As súas mans polo meu pelo.
Un bico lene
no pescozo.
Un poema de amor, repítolle
ceibando un sorriso.
Bicámonos.
Pásame os brazos polo peito.
Achega a súa cara á miña
e
si, un poema de amor,
dime.
Concéntrome.
Miro á parede, ao folio,
ao lapis.
Mordo os beizos, as unllas,
o lapis. Pecho os ollos.
Ela
segue tras de min.
A súa man
no meu pelo.
Os seus peitos
apreixándome.
Non cansa.
Sinto
a súa lingua
na miña orella esquerda,
as súas unllas arrañándome
o peito
e
un calafrío molesto.
Non
podo concentrarme.
Ela.
Non me solta.
Non me deixa
escribir.
E agora a orella dereita.
Collo aire.
Afástome.
Que ? Sorrí.
Veña, para xa, susurro.
Deixame escribir.
Un poema de amor,
repite.
Vale, mais bótate a un lado.
Como.
Que te botes a un lado,
xa.
Que me deixes so.
Que quero escribir.
Que vaias dar unha volta.
Que estás
moi
pesadiña.
E marchou.


Kiko Neves

jueves, 13 de enero de 2011


Saludos pezqueñines!

He estado un poco liada y no he podido actualizar recientemente...lo siento.Espero  que sepáis entenderme..si es que alguien me lee,claro esta(no me llaméis ilusa u.U).Os recompensare con un beso o dos.Solo tenéis que dejar comentarios( ¿es mucho pedir?).Bueno,al tema.Como voy a tener que hacer un trabajito sobre el cambio climático y sus complementos me ha tocado enterarme del tema,un poquito.Os dejo una fotito de la casa de greenpeace y una cancioncita cuca.Pooooooortaros bien hasta que vuelva!


Busca sin ser visto...