Meu avó dixo:

-Ide mirar

se o mar sobe ou baixa.

Contestáronlle:

-Vai en refluxo.

Meu avó dixo:

-É hora de irse.

A ciencia hoxe en día explica

dun xeito positivo

a influencia das mareas

no corazón dos homes.

Aínda así,o adeus é un extrano suceso.

Eva Veiga,Paisaxes do baleiro

Praia da  Illa do Santo,Pontevedra(Galicia)

Coñezo un lugar-e non é lenda-

onde as noites

nas que a lúa empreña,

ós cans médralles o corazón

e ouvean.

Eva Veiga,Paisaxes do baleiro

Dixo:Voume.

E tralas súas palabras,

suspendido no aire,

quedou un silencio

que ía desfacéndose coma unha flor.

Eva Veiga,Paisaxes do baleiro