viernes, 30 de diciembre de 2011

A busca todopoderosa

a especie humana
leva cen mil anos
buscando a deus
no vento na terra no lume no mar

despois no invisíbel
nos símbolos
nas alucinacións
na alma...
por que buscamos
a quen nunca nos busca?

Óliver Escobar,Apostasía
Os verdadeiros deuses
son como as bolas chinesas

non se ven
mais dan pracer


Óliver Escobar,Apostasía



Escoitando

os adoutrinadores
con atención

colecciono 
unha
unha
as miñas rebelións


Óliver Escobar,Apostasía

culpa e redención

"Si en este momento estás luchando con una tentación sexual,
tu inquietud es lo infinito que hay en ti,que aspira a algo mejor.
Supongo que mucha gente describiría tu inquietud como ver-
güenza victoriana,o turbación,o como algún tipo de represión,
pero desde un punto de vista espiritual puedo decirte que se tra-
ta simplemente de tu alma,cuyo objetivo es el de permanecer 
unida a la voluntad de Dios.Por ello,los que caen en la lujuria
experimentan inevitablemente una sensación de culpa o asco"
Madre Angélica

un dos meus amigos de catequese
confesoume un día o que lle pasaba:
depois de masturbarse
sempre facía un acto de contricción;
o problema era que ao rematalo
non podía evitar
facerse outra homenaxe...
e volta á contricción

levaba seis semanas
nese círculo vicioso...
aparvado polo día
atrapado pola noite

só o salvou da súa obsesión
unha catequista
sabiamente voluptuosa


Óliver Escobar,Apostasía

jueves, 29 de diciembre de 2011

Anxiño

miña mai cantábame sempre 
que había catro anxiños
gardando a miña cama

eu sentía calor e tenrura
e podía durmir en paz

...mais non por aquela multitude
nunha cama de noventa

senón por mor de mamá
que sempre estaba tras da porta

Óliver Escobar,Apostasía

martes, 20 de diciembre de 2011

da maldade inmanente do condón

"Si llaman retrógrada a la Iglesia
están llamando retrógrado a Cristo."
"A Cristo lo que le gusta
es que las cosas se hagan bien...
Como Dios manda."

Monseñor Gea Escolano

o noso bispo fixo hai pouco unhas declaracións:

o condón é unha ruleta rusa
o condón conduce á promiscuidade
o promiscuidade leva  á vida pecadora
o pecado alimenta o vicio
o vicio leva ao  SIDA
Ergo... o condón leva ao SIDA

Solución católica:a castidade

Conclusión:
o condón é unha arma de destrución masiva

Óliver Escobar,Apostasía


Ano 325:receita para fermentar unha ortodoxia

póñase nun caldeiro romano
ao lume manso dos séculos...

Mestura Base:

un monllo de imaxinarios doutras relixións
calendas e costumes de populares ritos pagáns
a deificación dun místico da tribo de David
catro evanxeos escollidos e entronizados
un escenario propicio ao cumprimento das profecías
unha versión malversada dunha evolución
un politburó dedicado a reunificar un imperio
unha amalgama de estrategas do marketing

Núcleo duro:

unha organización cunha misión suprema: permanecer
unha morea de tentáculos que reproduzcan o esquema 
unha aplicación implacábel do principio xerárquico
unha doutrina do control social destinada á replicación
unha abondosa ración de psicoloxía de masas
un brazo armado poderoso e sanguento
unha matriz social potentísima: o patriarcado

Salpementar todo con:
hipocrisía en po
xarope de pau
e un chisco de mala hostia

Remexer sen acougo
repetindo os salmos da intolerancia
Servir delegando no ceo e cuspindo sobre a terra
Convencer o consumidor de que todo se fai polo seu propio ben


Óliver Escobar,Apostasía

domingo, 18 de diciembre de 2011

pamelas e pirolas

"Neno,no Deus da infancia
que soubo encantar a túa inocencia" 
Mallarmé

encantábanos o Domingo de Ramos

era como se o bosque entrara na igrexa
como se unha selva nacera da pedra
para agochar as nosas miradas cómplices

entre as nenas era un tema
de pamelas
ou feitiñas pólas

mais entre os nenos era outra cousa:
se Nazairo levaba un ramallo de dous metros
o Trospi aparecía cunha árbore

tratábase de exhibir sen pudor
o ego varón de cada quen

Óliver Escobar,Apostasía

vésperas

"¿Que nos queda para despois do adeus?
Que máxica fórmula pronunciaremos 
cando ousemos tatuar a primeira ollada..."

Gustavo A.Lois Dosil

teríamos sete anos
foi na saída dun bautizo
véspera de Domingo de Ramos

mentres agardábamos
comezou a tréboada
e ficamos só ti e máis eu
entre a choiva
    de auga e caramelos
mirándonos e recollendo
o primeiro lóstrego lascivo

Óliver Escobar,Apostasía



se naceramos noutra época
mañá veriámos na fogueira
canda todas as meigas
que se colaron neste libro

a mentira e a verdade
son dous antídotos
envelenados

a ignorancia e o medo
arman a paz da servidume

a orixe é parte do futuro

este é un libro
contra os males do ollo

Queres queimarte canda nós?

Óliver Escobar,Apostasía(contraportada)


sábado, 17 de diciembre de 2011

Si no hay evolución a tiempo ,hay revolución con riesgo de violencia que conlleva.La diferencia entre evolución y  revolución es la "r" de responsabilidad.


Federico Mayor Zaragoza,Reacciona

jueves, 8 de diciembre de 2011

Xacobeo


que grande,Prisciliano

mil seiscentos anos morto
e o teu osario  segue a traballar
polos negocios da Cidade Santa.


Óliver Escobar,Apostasía


Cristo alucinado

"Había terra neles e cavaban"
Paul Celan

coñécemolo no Mundo Celta de Ortigueira

gustáballe falar miudiño
administraba as palabras
con esa precisión de reloxo
dos que fan de cada verba
un agasallo inesquecíbel

sentados en círculo
ensinounos a fumar da terra
e escoitar as linguaxes
dos nosos elementos
a observar o firmamento até vernos 
somos po de estrelas,dicía

chamábase Christopher
e nacera en Thunder Bay
mudou de vida despois dun Woodstock
onde mantivo un diálogo de cinco días
cun cristo alucinado

desde entón botouse ao camiño
cunha soa idea:falar coa xente
cremos que deu cinco voltas ao mundo
mais non as contaba:sempre vivín no mesmo lugar,dicía
e aseguraba ter pasado por Macondo

hai tres días que morreu
centenario
como un carballo andante

semellaba que no seu corpo
a vellez e a infancia
estaban a tocarse
coas puntas dos dedos

un círculo fabuloso:a vida
unha odisea única:agora

as persoas viven para sempre na memoria
o olvido é o asasino da eternidade,dicías

así que velaquí estás,Cristopher,
como che prometín
ao terceiro día
resucitado.

Óliver Escobar,Apostasía

Aviso

Yo me alquilo por horas;río y lloro con todos;
pero escribiría un poema perfecto
si no fuera indecente hacerlo en estos tiempos.

Gabriel Celaya,Tranquilamente hablando 
A veces tengo la impresión de que nada de lo que sucede sucede,porque nada sucede sin interrupción,nada perdura ni persevera ni se recuerda incesantemente,y hasta la más monótona y rutinaria de las existencias se va anulando y negando a sí misma en su aparente repetición hasta que nada ni nadie es nadie que fuera antes.

Javier Marías, Corazón tan blanco

martes, 6 de diciembre de 2011

O pecado de Onán

"En la noche dichosa
en secreto,que nadie me veía
ni yo miraba cosa,
sin otra luz y guía,
sino la que en el corazón ardía"

San Juan de la Cruz

"Se o mestre vos angustia
Pedídelle consello á Grande Natureza"

F.Hölderlin



desde os cinco anos
un espírito indefiníbel
-mais sen dúbida divino-
pousouse na miña mao
para levala á entreperna

foi tan marabilloso
como calquera resurreción

 ao día seguinte 
comezou a miña vida consciente

agora penso 
que a fe en min mermo
débolla máis  a esas liturxias
de amor propio infantil
que a todos aqueles dogmas
en forma de vara sotánica

para min
eses diálogos coa divindade
nunca eran incompatíbeis
co de ler na misa os domingos
ou cosas horas de catequese
nas que comecei a dubidar 
se me gustaban as nenas ou os nenos

éramos moi pequenos...
pero xa sabíamos rirnos por dentro
entender máis do que nos dicían
e darlles a razón como aos tolos
ou comprender a súa frustración
e pararlle os pés ao confesor
cando se poñía morboso

recordo aqueles anos como unha loita
da que pouco ou nada sabíamos

@s nen@s son visionari@s
o resto...
aprendices de telescopio
desde entón
en adoración do meu neno
encántame honrrar
a Onán
todas as noites.

Óliver Escobar,Apostasía

jueves, 1 de diciembre de 2011


Más vale ser un hombre desdichado que un cerdo satisfecho,ser un Sócrates descontento que un imbécil feliz.

John Stuart Mill



PD. En el mundo hay gente que se porta muy mal.Parece que se han puesto hoy de  acuerdo para recordarmelo y hacer temblar mi pulso.


Busca sin ser visto...